USD87.45EUR95.88RUB1.07
24.kg

ТИМ: «Швейцариядагы өрт кырсыгында жабыркаган кыргызстандыктар жок»

10:05, 02 января 2026, Бишкек - 24.kg

Тышкы иштер министрлиги 1-январга караган түнү Швейцариянын Кран-Монтана тоо-лыжа курортунда чыккан өрттөн улам болгон кырсык боюнча билдирүү жасады.

Кыргыз Республикасынын Швейцария Конфедерациясындагы элчилиги Швейцариянын компетенттүү органдары менен ыкчам байланышта болуп, каза болгондордун же жабыркагандардын арасында Кыргыз Республикасынын жарандарынын бар же жок экендиги тууралуу маалыматты тактоодо.

Алдын ала алынган маалыматтарга ылайык, каза болгондордун же жабыркагандардын арасында Кыргыз Республикасынын жарандары жок.

"Тышкы иштер министрлиги кырдаалды туруктуу көзөмөлдөп, Кыргыз Республикасынын жарандары жабыркагандардын арасында болушу мүмкүн деген жагдайды тактоо боюнча ишти улантууда",-деп айтылат ТИМдин маалыматында.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18