USD87.45EUR95.88RUB1.07
24.kg

Шүкүр Исмаилов Муфтийдин орун басары болуп дайындалды

12:24, 23 декабря 2025, Бишкек - 24.kg

Бүгүн, 23-декабрда Кыргызстан мусулмандарынын муфтийинин орун басары болуп Шүкүр ажы Исмаилов дайындалды. Тиешелүү буйрукка муфтий Абдулазиз Закиров кол койду.

Шүкүр Исмаилов 1973-жылы Ош облусунун Чоң-Алай районунда туулган. Жогорку билимин юриспруденция жана араб тили боюнча алган. Ошондой эле ислам укугу жана Кыргызстандагы ислам тарыхы багытында илимий даражалары бар. Диний билимин Кара-Балтадагы Хазрети Осмон атындагы Ислам институтунда жана Восточное айылындагы Аннамузажийя медресесинде алган.

Шүкүр Исмаилов Муфтийдин орун басары болуп дайындалды

Ал диний жана билим берүү мекемелеринде иштөө боюнча чоң тажрыйбага ээ:

  • Хазрети Осмон атындагы Кара-Балта Ислам институтунун каржы иштери боюнча орун басары. Кыргызстан Ислам Университетинин теология жана жаратылыш таануу жана гуманитардык илимдер кафедрасынын башчысы.
  • Кыргызстан Ислам Университетинин Гуманитардык факультетинин деканы.
  • И. Арабаев атындагы Кыргыз мамлекеттик университетинин теология бөлүмүнүн окуу бөлүм башчысы.
  • Кыргызстан мусулмандарынын Дин башкармалыгынын алдындагы илимий-изилдөө институтунун директору.
  • Кыргызстан мусулмандарынын Дин башкармалыгынын диний билим берүү бөлүмүнүн башчысы.

Муфтият Шүкүр ажы Исмаилов көп жылдар бою ислам билим берүү системасында иштеп, дин кызматкерлеринин арасында кадыр-баркка ээ экенин белгилейт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18