USD87.45EUR95.88RUB1.07
24.kg

«Акылман» лицейлери Кыргызстандын бардык аймактарында ачылат

13:30, 17 декабря 2025, Бишкек - 24.kg

Кыргызстандын бардык аймактарында «Акылман» лицейлери ачылат. Бул тууралуу президент Садыр Жапаров Жогорку Кеңештин жыйынында билдирди.

Мамлекет башчысы Ысык-Көл облусунда биринчи лицей иштеп жатканын, ал эми Талас жана Жалал-Абад облустарында башкалары курулуп жатканын билдирди.

«Бүгүнкү күндө Чолпон-Ата шаарында «Акылман» лицейинде өлкөнүн бардык аймактарынан тандалып келген 260 таланттуу балдар-кыздарыбыз окуп жатышат. Буюрса, жети облуста тең «Акылман» лицейлери болот. Азыр Таласта, Жалал-Абадда «Акылман» лицейлери курулуп жатат. Алдыдагы жылдарда Ош, Баткен, Чүй, Нарын облустарында курулат. Ар биринде 300 балага чейин окушат», — деди Садыр Жапаров.

Президент лицейлер тармагын түзүү жогорку квалификациялуу адистерди даярдоого жана өлкөнүн келечектеги башкаруу жана кесипкөй кадрларын даярдоо системасын өнүктүрүүгө багытталганын белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18