USD87.45EUR96.10RUB1.06
24.kg

Добуш сатып алуу: Милиция талапкердин туугандарын издөөгө алды

15:12, 26 ноября 2025, Бишкек - 24.kg

Бишкекте добуш сатып алуу менен алектенген топ кармалды. Бул тууралуу борбор калаанын Ички иштер башкы башкармалыгынын басма сөз кызматы билдирди

Тергөөнүн маалыматы боюнча, паракорчулукту Жогорку Кеңешке талапкер А.Л.нын жакын туугандары — анын кызы (1988-жылы туулган Салтанат Исманова) жана жээни (1998-жылы туулган Шаабидин Токтосартов) уюштурган.

Милиция добуш сатып алуу үчүн 360 000 сом которгондугу аныкталганын билдирди.

Факт боюнча аларга карата Кылмыш-жаза кодексинин 196-беренесинин 2-бөлүгүнүн негизинде (Талапкер же анын жакындары жасаган добуш сатып алуу) айып сырттан коюлуп, камакка алуу чечими чыгарылган.

Учурда бул кылмышка тиешеси бар башка адамдарды аныктоо боюнча тергөө иштери уланууда.

БШКнын маалыматында Лира Акунова Салтанат Исманованы ыйгарым укуктуу өкүлү кылып каттатканы көрсөтүлгөн. Акунова Жогорку Кеңештин депутаттыгына талапкерлигин № 22 шайлоо окуругунан койгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18