USD87.45EUR96.10RUB1.06
24.kg

Мамлекеттик мүлктү башкаруу агенттигине жаңы директор дайындалды

11:19, 26 ноября 2025, Бишкек - 24.kg

Тимур Малбашев Министрлер кабинетинин алдындагы Мамлекеттик мүлктү башкаруу боюнча мамлекеттик агенттиктин директору кызматынан бошотулду. Бул тууралуу тескемеге президент Садыр Жапаров кол койду.

Тимур Малбашев
Бошотуунун себептери такталган жок.

Президенттин башка тескемеси менен агенттиктин жаңы директору болуп Бексултан Токонов Тынычбекович дайындалды.

Бексултан Токонов

Бексултан Токонов 1987-жылы туулган. Ал Жусуп Баласагын атындагы Кыргыз улуттук университетин юриспруденция адистиги боюнча аяктаган.

Эмгек жолун бажы органдарында баштап, кийин Экономикалык кылмыштарга каршы күрөшүү боюнча мамлекеттик кызматта (Финполицияда) ишин уланткан. Ал жерде тергөөчүдөн бөлүм башчысына чейинки жолду басып өткөн.

2023-жылдан тарта президенттин Иш башкармалыгында эмгектенип келген, алгач референт, андан соң Мамлекеттик мүлктү башкаруу бөлүмүнүн башчысы кызматтарын аркалаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18