USD87.45EUR96.10RUB1.06
24.kg

Бишкекте белгисиз киши кызга кол салып, башына катуу нерсе менен урган

10:07, 20 ноября 2025, Бишкек - 24.kg

Октябрь райондук ички иштер бөлүмү «Бейбаштык» беренеси боюнча кылмыш ишин козгоду. Бул тууралуу Октябрь РИИБинин басма сөз кызматы билдирди.

Маалыматка ылайык, 19-ноябрда В.А. аттуу аял милицияга жазуу жүзүндө арыз менен кайрылган. Ал болжол менен саат 19:00дө Куттубаев жана Токомбаев көчөлөрүнүн кесилишинде белгисиз эркек киши анын башына катуу нерсе менен урганын билдирген. Натыйжада жабырлануучунун денесине залал келтирген.

Аталган факт боюнча Кылмыш-жаза кодексинин 280-беренесине (Бейбаштык) ылайык кылмыш иши козголуп, жабырланычууга соттук-медициналык экспертиза дайындалган.

Бишкекте белгисиз киши кызга кол салып, башына катуу нерсе менен урган

Ыкчам издөө иштеринин жүрүшүндө милиция кызматкерлери шектүү катары 1998-жылы туулган К.А. аттуу жаранды кармашкан. Ал тергөө бөлүмүнө жеткирилип, КРнын Кылмыш-жаза кодексинин 96-беренесине ылайык, Бишкек шаардык ички иштер башкы башкармалыгынын убактылуу кармоочу жайына киргизилген.

Башкармалыктын маалыматы боюнча, текшерүүнүн жыйынтыгында кармалган адам мас абалында болгону аныкталган. Тергөө иштери уланууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18