USD87.45EUR96.10RUB1.06
24.kg

III КМШ оюндары. Кыргызстандык балбандар грек-рим күрөшү боюнча 4 медаль жеңди

09:17, 08 октября 2025, Бишкек - 24.kg

Азербайжандын Гянджа шаарында III КМШ оюндарынын алкагында 17 жашка чейинки балбандар арасында грек-рим күрөшү боюнча мелдештер өтүп, жалпы төрт медаль утту. Бул тууралуу Дене тарбия жана спорт агенттигинен билдирди.

Маалым болгондой, Кыргызстандын намысын беш балбан коргоду.

— 55 килограмм салмактагы Рамазан Гасанов экинчи орунду камсыздап, күмүш медаль тагынды.

— Ал эми Элимбек Абдыкеримов, Бекназар Эмилбеков жана Иличбек Абдуллаев коло медалга ээ болду.

Эске салсак, КМШнын III оюндары Азербайжандын жети шаарында өтүп, бүгүн жыйынтыкталууда. Программада спорттун 21 түрү боюнча мелдештер камтылган, анда 505 медаль ойнотулат.

Кыргызстандын атынан 126 спортчу катышууда. Учурда биздин команда жалпы эсепте алтынчы орунда турат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18