USD87.45EUR96.10RUB1.06
24.kg

Кыргызстанда 2028-жыл Чыңгыз Айтматов жылы деп жарыяланды

13:03, 07 октября 2025, Бишкек - 24.kg

Президент Садыр Жапаров залкар жазуучу Чыңгыз Айтматовдун 100 жылдык мааракесине карата 2028-жылды Чыңгыз Айтматов жылы деп жарыялоо тууралуу жарлыкка кол койду. Бул тууралуу Президенттин басма сөз кызматы билдирди.

Мамлекет башчынын жарлыгына ылайык, 2028-жылы улуттук жана эл аралык деңгээлде ар түрдүү маданий, илимий жана адабий иш-чаралар өткөрүлөт. Бул иш-чаралар улуу жазуучунун чыгармачылык мурасын даңазалоого, ошондой эле жаш муундарга анын гуманисттик идеяларын кеңири жайылтууга багытталат.

Чыңгыз Айтматов — дүйнөлүк адабиятта кыргыз элин жана маданиятын тааныткан залкар жазуучу. Анын чыгармалары 170тен ашык тилге которулган жана дүйнөнүн ар кыл өлкөлөрүндө жогорку баага ээ болгон. 2028-жылы улуу жазуучунун туулгандыгына 100 жыл толот.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18