USD87.45EUR96.10RUB1.06
24.kg

«Кыргызиндустрия» ишканасынын мурдагы жетекчиси Жарасул Абдураимов дүйнө салды

10:05, 07 октября 2025, Бишкек - 24.kg

«Кыргызиндустрия» ишканасынын мурдагы жетекчиси Жарасул Абдураимов дүйнө салды. Бул тууралуу анын жакындары билдирди.

Жарасул Абдураимов 1960-жылы Алай районунун Гүлчө айылында жарык дүйнөгө келген. 65 жаштагы саясий ишмер Кыргыз ССРинин 50 жылдыгы атындагы завод, «Дастан» сыяктуу бир топ ишканаларда жетекчилик кызматтарда жүргөн. 2013-2015-жылдары «Кумтөр Голд Компани» ишканасында иштесе, 2020-2021-жылдары өкмөттүн Ош облусундагы ыйгарым укуктуу өкүлү болгон. 2021-жылдын июль айынан 2022-жылдын январь айына чейин экономика жана коммерция министринин орун басары кызматын аркалаган. 2023-жылдын соңунда президент Садыр Жапаров Жарасул Абдураимовго «Өнөр жайга эмгек сиңирген ишмер» деген наам ыйгарган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18