USD87.45EUR96.10RUB1.06
24.kg

Кыргызстан бир балага 3000 сомдон төлөйт: Бул жөлөк пулдар кимдерге берилет?

09:13, 03 октября 2025, Бишкек - 24.kg

«Бийик тоолуу аймактардын жашоочуларына көмөк» ай сайын берилүүчү жөлөкпулду киргизүүнү караган «Мамлекеттик жөлөкпулдар жөнүндө» мыйзамды ишке ашыруу боюнча токтомго министрлер кабинетинин башчысы Адылбек Касымалиев кол койду.

Документ үч жашка чейинки балдары бар жана бийик тоолуу жана алыскы, барууга кыйын аймактарда, ошондой эле өзгөчө статусу бар айрым чек ара аймактарында жайгашкан калктуу конуштарда жашаган жарандарга (үй-бүлөлөргө) кошумча мамлекеттик колдоо көрсөтүү максатында иштелип чыккан.

Үчүнчү жана ар бир кийинки бала төрөлгөндөн тартып алар үч жашка чыкканга чейин «Бийик тоолуу аймактардын жашоочуларына көмөк» ай сайын берилүүчү жөлөкпулдун өлчөмү 3 миң сом өлчөмүндө белгиленет.

Каржы министрлигине жөлөкпулдарды өз убагында төлөө үчүн белгиленген тартипте республикалык бюджеттен каражат бөлүү тапшырылды.

Ал эми Эмгек, социалдык коргоо жана миграция министрлигине токтомду ишке ашыруу боюнча зарыл чараларды көрүүсү белгиленди.

Токтом 2026-жылдын 1-январынан тартып күчүнө кирет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18