USD87.45EUR96.10RUB1.06
24.kg

УКМК Ак-Талаа районундагы дээрлик 2 гектар жер тилкесин мамлекетке кайтарды

11:28, 29 сентября 2025, Бишкек - 24.kg

Кыргызстандын Улуттук коопсуздук боюнча мамлекеттик комитети Нарын облусунун Ак-Талаа районундагы Баетов айылындагы 1,98 гектар жер тилкеси мамлекетке кайтарылганын билдирди.

Маалыматка ылайык, бул жер тилкеси 1964-жылы облуста өнөр жай объектилерин өнүктүрүү максатында түзүлгөн мурдагы колхоздор аралык курулуш уюмуна (ККУ) тиешелүү болгон. Ошол кезде аймакта өндүрүш объекттерин өнүктүрүү үчүн райондук аткаруу комитети 4 гектар жер бөлүп берген.

Ошол эле жылы Ак-Талаа районунун эл депутаттар Кеңешинин аткаруу комитетинин чечими менен Ак-Талаа районунун Баетов айылында өндүрүш объекттерин куруу үчүн 4,0 гектар жер тилкеси Колхоздор аралык курулуш уюмуна бөлүнүп берилген. 1993-жылы Колхоздор аралык курулуш уюму «Демилге» акционердик коому болуп кайра түзүлүп, анын жетекчиси катары Ч.К. шайланган.

2004-жылы Ч.К. акционердик коомду жоюу жолу менен бул ишкананы жеке менчикке өткөрүп бергени аныкталган. Бул мүлк Ак-Талаа районунун Баетов айыл өкмөтүнүн балансына тиешелүү кабыл алуу актысына ылайык өткөрүлүп берилген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18