USD87.45EUR96.10RUB1.06
24.kg

Ошто жаш кыз Навои сейил багында аттракциондон кулап, каза болду

09:31, 22 сентября 2025, Бишкек - 24.kg

Ош шаарындагы Алишер Навои сейил багында аттракциондон кыз кулап, каза болду. Бул тууралуу шаардык ички иштер башкармалыгынын басма сөз кызматы билдирди.

Окуя кечээ, 21-сентябрда болгон. Бөлүмдүн маалыматына караганда, тез жардам кызматына аттракциондон жаш кыз кулап кетип, ооруканага жетпей каза болгону тууралуу чакыруу түшкөн. Каза болгон жаран Кара-Суу районунун 2007-жылы туулган.

Милиция окуянын чоо-жайын иликтеп жатат.

Буга чейин Ош шаарындагы Панфилов атындагы сейил багында аттракциондон кыз кулап кетип, ооруканага түшкөн. Окуя 2025-жылдын 31-мартында болгон. Окуяга күбө болгондордун айтымында, кыз минип баратканда аттракциондордун бириндеги коопсуздук куру сынып, ал кулап кеткен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18