USD87.45EUR96.10RUB1.06
24.kg

Кытайда жазасын өтөп жаткан Кыргызстандын жараны мекенине кайтарылды

16:41, 18 сентября 2025, Бишкек - 24.kg

Кытайдагы түзөтүү абагында жазасын өтөп жаткан Кыргызстандын жараны А.А., Торугарт көзөмөл-өткөрүү пунктунда кыргыз тарапка өткөрүлүп берилди. Бул тууралуу Тышкы иштер министрлигинин басма сөз кызматы билдирди.

Маалым болгондой, соттолгон аялды өткөрүп берүү эки өлкөнүн ортосундагы 2012-жылдын 5-июнунда Пекинде кол коюлган соттолгондорду өткөрүп берүү боюнча келишимдин алкагында ишке ашырылган.

Кыргыз тарап эки тараптуу келишимдин жоболорун ишке ашырууда конструктивдүү кызматташуу үчүн кытай тарапка ыраазычылык билдирди.

Министрлик Кыргызстандын чет өлкөлөрдөгү мекемелери менен биргеликте Башкы прокуратурага чет өлкөдө соттолгон кыргызстандыктарды жаза мөөнөтүн өтөөнү улантуу үчүн мекенине өткөрүү маселелеринде көмөк көрсөтүүнү уланта турганын билдирди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18