USD87.45EUR96.10RUB1.06
24.kg

Кыргызстанга ханзаада Рахим Ага Хан V келди: Ал архитектура сыйлыгын тапшырат

10:09, 15 сентября 2025, Бишкек - 24.kg

Кыргызстанга ханзаада Рахим Ага Хан V келди. Бүгүн, 15-сентябрда Бишкекте биринчи жолу архитектура боюнча Ага Хан сыйлыгы тапшырылат. Иш-чаранын алкагында ачык лекциялар жана көргөзмөлөр болот.

Ханзаада Рахим Ага Хан V

Архитектура тармагындагы бул абройлуу эл аралык сыйлык үч жылда бир ыйгарылат, байге фонду 1 миллион долларды түзөт.

Иш-чарага дүйнөнүн ар кайсы аймактарынан 150дөн ашык расмий өкүлдөр, архитекторлор жана окумуштуулар катышат.

Сыйлык Борбор Азияда биринчи жолу 1992-жылы Самаркандда (Өзбекстан) тапшырылган.

Архитектура боюнча Ага Хан сыйлыгы үч жылда бир берилүүчү архитектура тармагындагы эң маанилүү эл аралык сыйлыктардын бири. Ал 1977-жылы түзүлгөн жана мусулман жамааттарынын маданий мурасын, архитектурасын жана жашоо чөйрөсүн жакшыртууга багытталган долбоорлорду колдоого багытталган.

Сыйлык шаар куруунун бардык тармактарын, мурдагы өнөр жай аймактарын оңдоодон жана социалдык турак жайларды куруудан тартып музейлерди түзүүгө чейин ичине камтыйт. Сыйлыкка архитекторлор да, шаар бийлиги ишке ашырган долбоорлор да катыша алышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18