USD87.45EUR96.10RUB1.06
24.kg

Кыргызстан энергетиканы модернизациялоого 31 млрд сомдон ашык инвестиция салат

12:16, 12 сентября 2025, Бишкек - 24.kg

2026-жылдан 2030-жылга чейин Кыргыз бийлиги 10 ири энергетикалык долбоорду ишке ашырууну көздөп жатат. Тышкы каржылоонун жалпы көлөмү 31,4 миллиард сом өлчөмүндө пландаштырылган. Мындай маалыматтар Финансы министрлигинин Кыргыз Республикасынын фискалдык саясатынын негизги багыттары жөнүндө отчетунда камтылган.

Маалым болгондой, ГЭСтерди, конвертердик көмөкчордондорду жана жогорку чыңалуудагы электр линияларын модернизациялоо жана реабилитациялоо артыкчылыктуу болуп саналат.

Көрсөтүлгөн мөөнөттө төмөнкүлөрдү аяктоо пландаштырылууда:

Бардык төрт гидроагрегатты алмаштыруу менен Токтогул ГЭСин модернизациялоо;

Камбарата ГЭС-2нин экинчи гидроагрегатын жаңылоо;

Үчкурган ГЭСинде гидроагрегаттарды толук алмаштыруу.

Планда ошондой эле кайра жаралуучу энергияны өнүктүрүүгө багытталган жаңы демилгелерди баштоо, анын ичинде чакан ГЭСтерди куруу жана ири күн электр станцияларын куруунун техникалык-экономикалык негиздемесин иштеп чыгуу камтылган.

Долбоорлор Дүйнөлүк банк, Жашыл климаттык фонд жана Европа реконструкциялоо жана өнүктүрүү банкы тарабынан каржыланат деп күтүлүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18