USD87.45EUR96.10RUB1.06
24.kg

ЖК дарыгерлерге кол салуу үчүн кылмыш жоопкерчилигин киргизүүнү жактырды

14:45, 11 сентября 2025, Бишкек - 24.kg

Жогорку Кеңеш дарыгерлер менен мугалимдерге кол салуу үчүн кылмыш жоопкерчилигин киргизүүнү жактырды. Бүгүн, 11-сентябрда парламенттин жыйынында «Кылмыш-жаза кодексине өзгөртүүлөрдү киргизүү жөнүндө» мыйзам долбоорун саламаттыкты сактоо министри Эркин Чечейбаев алып чыкты.

Анын айтымында, кызматкерге кызматтык милдеттерин аткарууда кол салуу үчүн жаза киргизүү сунушталууда.

Долбоор саламаттыкты сактоо, билим берүү жана башка мамлекеттик кызматтар көрсөтүлүүчү тармактарда иштеген кызматкерлердин коопсуздугун жана кадыр-баркын сактоого багытталган.

«Акыркы убакта медицина кызматкерлерине кол салуу, агрессия фактылары көбөйдү. Бул маселенин курчтугунан кабар берет. Кылмыш-жаза кодексинде мындай кылмыштар үчүн жоопкерчилик каралган эмес. Ошондуктан бул өзгөртүүлөрдү киргизүү зарылчылыгы келип чыкты», — деди министр.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18