USD87.45EUR96.10RUB1.06
24.kg

Жекшемби күнү кечинде асманда «Кандуу ай» көрүнөт

08:30, 05 сентября 2025, Бишкек - 24.kg

7-сентябрда кечинде астрономия ышкыбоздору жылдын эң таасирдүү жаратылыш окуяларынын бири Айдын толук тутулушун көрүшөт. «Кандуу Ай» тутулушу учурунда Ай жердин көлөкөсүнө кирип, кызыл түскө ээ болуп, көргөндөр үчүн эстен кеткис визуалдык майрам тартуулайт. Бул тууралуу Agence France-Presse (AFP) билдирди.

Жердин атмосферасынан өткөн күн нуру чачырагандыктан Ай кочкул кызыл түскө ээ болот: кыска көк толкундар бурулуп, спутникке узун кызыл толкундар жетет.

Белфасттагы Queen’s университетинен астрофизик Райан Миллиган: «Бул Айга кандуу түс берет» деп түшүндүрдү. Бул көрүнүш Азияда, анын ичинде Индия менен Кытайда, Африканын чыгышында жана Австралиянын батышында байкалат.

Буга чейинки айдын толук тутулуусу ушул жылдын март айында болгон. Ал эми ага чейин 2022-жылы болгон. Жекшембидеги кубулушту окумуштуулар келерки жылдагы сейрек учуроочу окуянын «прологу» деп аташат: 2026-жылдын 12-августунда Күндүн толук тутулуусу болуп, аны Испания менен Исландияда көрүүгө болот.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18