USD87.45EUR96.10RUB1.06
24.kg

Оштун мурдагы мэри Айтмамат Кадырбаев 4-октябрга чейин абакта калат

15:27, 02 сентября 2025, Бишкек - 24.kg

Бишкектин Биринчи Май райондук соту Ош шаарынын мурдагы мэри Айтмамат Кадырбаевдин баш коргоо чарасын тандады. Ал 4-октябрга чейин камакта калтырылды. Бул тууралуу соттун басма сөз кызматы билдирди.

Соттун маалыматына караганда, Айтмамат Кадырбаевге карата КР Кылмыш-жаза кодексинин 336-беренеси (коррупция) боюнча кылмыш иши козголду.

«2025-жылдын 26-августунда Биринчи Май райондук сотунун аныктамасы менен ИИМдин тергөө тобунун айыпталуучу К.А.Т.га карата баш коргоо чарасын колдонуу жөнүндө өтүнүчү канааттандырылган», — деп тактады басма сөз кызматы.

Эске салсак, Айтмамат Кадырбаев 2014-2018-жылдары Ош шаарын жетектеген. Кийин Өнөр жай, энергетика жана жер казынасын пайдалануу мамлекеттик комитетинин төрагасынын орун басары болуп иштеген. 2021-жылы № 10 Куршаб бир мандаттуу шайлоо округу боюнча парламенттик шайлоого катышып, 3-орунга ээ болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18