USD87.45EUR96.10RUB1.06
24.kg

Жалал-Абадда бир тоннадай мыйзамсыз алкоголдук ичимдик өндүрүлгөн

13:40, 02 сентября 2025, Бишкек - 24.kg

Мамлекеттик салык кызматынын кызматкерлери Жалал-Абад шаарында өткөн рейддин жүрүшүндө алкоголдук продукция (самогон) өндүргөн объект аныкталды.

Ведомствонун басма сөз кызматы билдиргендей, ай сайын 1 тоннадан ашык самогон өндүрүлгөн.

«Текшерүүнүн жыйынтыгында 29 баррель, 5200 литрге жакын алкоголдук ичимдиктерди өндүрүү жана андан ары сатуу үчүн табылган», — деп билдирди Мамлекеттик салык кызматы.

Жеринде чара көрүү үчүн укук коргоо органдарынын кызматкерлери чакырылып, тиешелүү процессуалдык иш-аракеттер жүргүзүлдү. Объектке шаардык ички иштер бөлүмүнүн кызматкерлери тарабынан мөөр басылды.

Салык кызматы уруксат документтери жок алкоголдук продукцияны өндүрүү, сатуу мыйзамды одоно бузуу болуп саналарын жана аракеттеги мыйзам талаптарына ылайык жоопкерчиликке тартыларын эскертет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18