USD87.45EUR96.10RUB1.06
24.kg

Жаңы окуу жылы. Бишкек мэри автобус айдоочуларга көрсөтмө берди

09:17, 01 сентября 2025, Бишкек - 24.kg

Бүгүн, 1-сентябрда таң эрте мэр Айбек Жунушалиев Бишкек шаардык транспорт муниципалдык ишканасынын айдоочуларына каттамдарга чыгаар алдында көрсөтмө берди. Бул тууралуу муниципалитеттин басма сөз кызматы билдирди.

Шаар башчысы айдоочулардын жол эрежесин сактоо, токтотуу эрежелерин сактоо, жүргүнчүлөргө сылык мамиле кылуу жана муниципалдык менчикти аяр пайдалануу боюнча конкреттүү, так милдеттерди койду.

Транспорттук блоктун жетекчилерине талапты жана көзөмөлдү күчөтүү, анын ичинде рейддерди жүргүзүү тапшырылды.

Айдоочулар тарабынан одоно мыйзам бузуулар катталса, тиешелүү чараларды көрүп, ишкананын кара тизмесине киргизүү буйругу берилди.

Белгиленгендей, каттамдарда 1200 автобус турат.

Эске салсак, бүгүн, 1-сентябрда жаңы окуу жылы башталды. Өлкө боюнча 1,5 миллион окуучу мектепке барат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18