USD87.45EUR96.10RUB1.06
24.kg

Чолпон-Ата шаарында III Түрк универсиадасы өтөт

08:30, 18 августа 2025, Бишкек - 24.kg

Ысык-Көл облусунун Чолпон-Ата шаарында 3-сентябрдан 9-сентябрга чейин Түрк тилдүү мамлекеттердин студенттеринин арасында III Универсиадасы өтөт. Бул тууралуу Кыргызстандын футзал ассоциациясынан билдиришти.

Маалыматка ылайык, мелдештер спорттун жети түрү: шахмат, стол тенниси, волейбол, дзюдо, грек-рим күрөшү, эркин күрөш жана футзал боюнча өтөт.

Универсиадага Кыргызстан, Казакстан, Түркия, Өзбекстан жана Азербайжандын командалары катышат.

Футзал боюнча мелдештер айланма система менен өтүп, эң көп упай топтогон команда жеңүүчү деп табылат.

Белгилей кетсек, Түрк универсиадасы спорттун гана эмес, маданий баалуулуктардын да майрамы. Мелдештердин ортосунда ар кандай маданий-агартуу иш-чаралары уюштурулуп, жаштардын достук байланышын чыңдоого көмөктөшөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18