USD87.45EUR96.10RUB1.06
24.kg

Үйлөр талкаланды. Түркияда күчү 6,1 баллга жеткен жер титирөө болду

09:35, 11 августа 2025, Бишкек - 24.kg

Түркияда күчү 6,1 баллга жеткен жер титирөө болду. Стамбул, Бурса жана башка бир катар шаарларда сезилген жер титирөөнүн очогу өлкөнүн батышындагы Балыкесир провинциясында болгонун табигый кырсыктарды башкаруу башкармалыгы (AFAD) билдирди.

Балыкесир провинциясынын Синдирги районунда күчү 6,1 баллга жеткен жер титирөө катталды. Жер титирөөнүн очогу 11 чакырым тереңдикте болгону айтылат департаменттин билдирүүсүндө.

Жер титирөөнүн очогу Стамбулдан 400 чакырым алыстыкта болгон. Жер титирөө метрополиянын батышында 20-30 секунддай сезилип, батирлерде асма шамдар жана эмеректер солкулдап турду.

Соңку маалыматтарга караганда, жер титирөөдөн улам Синдиргиде аз кабаттуу 10го жакын үй урап, 20дан ашууну катуу жабыркаган. Урандылардын астынан төрт адам тирүү чыгарылды, кеминде экөө урандылардын астында калды.

Жер титирөөдөн 1 адам каза болуп, 29 адам жаракат алганын Түркиянын ИИМ башчысы билдирди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18