USD87.45EUR96.10RUB1.06
24.kg

Кыргызстанда сырттан окууга абитуриенттерди кабыл алууга убактылуу тыюу салынды

10:53, 01 июля 2025, Бишкек - 24.kg

Жапырт кабыл алууда коррупциялык тобокелдиктерди азайтуу жана кадрларды даярдоонун сапатын жогорулатуу максатында Кыргызстандын өкмөтү бир катар жогорку кесиптик билим берүү программаларына сырттан окууга абитуриенттерди кабыл алууга убактылуу тыюу салуу чечимин кабыл алды.

Министрлер кабинетинин токтомуна ылайык, 2025-2026-окуу жылынын башынан алты айга төмөндөгү программаларга студенттерди кабыл алууга мораторий киргизилди:

коду 530500 «Юриспруденция» (бакалавр жана магистратура);

коду 580100 «Экономика» (бакалавр жана магистратура);

коду 580200 «Менеджмент» (бакалавр жана магистратура).

Илим, жогорку билим берүү жана инновациялар министрлигине өзүнүн чечимдерин токтомго ылайык келтирүү жана аны ишке ашыруу боюнча бардык чараларды көрүү тапшырылды.

Токтом расмий жарыяланган күндөн тартып күчүнө кирет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18