USD87.45EUR96.10RUB1.06
24.kg

Эдил Байсалов Украина элчиси менен жолугушууда БУУнун Уставын колдогонун айтты

18:51, 20 июня 2025, Бишкек - 24.kg

Байсалов Украинанын элчиси менен жолугушууда БУУнун Уставын колдой турганын ырастады

Кыргыз Республикасынын Министрлер Кабинетинин Төрагасынын орун басары Эдил Байсалов Украинанын Кыргыз Республикасындагы Атайын жана Ыйгарым укуктуу Элчиси Валерий Жовтенко менен жолугушту. Бул тууралуу министрлер кабинетинин басма сөз кызматы билдирди.

Сүйлөшүүнүн жүрүшүндө тараптар кыргыз-украин кызматташтыгынын учурдагы абалын жана келечегин талкуулап, эки тарапты кызыктырган маселелер боюнча пикир алышты.

Эдил Байсалов Кыргыз Республикасы Бириккен Улуттар Уюмунун Уставынын жана эл аралык укуктун фундаменталдык принциптерине берилгендигин белгилеп, эки өлкөнүн гуманитардык, маданий жана билим берүү тармагындагы байланыштарын чыңдалышына ишенээрин билдирди.

Элчи Валерий Жовтенко кыргыз тарапка конструктивдүү диалог жана колдоо үчүн ыраазычылык билдирип, эки тараптуу кызматташууну активдештирүүгө кызыкдар экенин белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18