USD87.45EUR96.10RUB1.06
24.kg

Бишкекте самбо боюнча дүйнө чемпионаты өтөт

09:00, 03 июня 2025, Бишкек - 24.kg

Кыргызстанда самбо боюнча дүйнө чемпионаты өтөт. Бул тууралуу Эл аралык самбо федерациясынын сайтында маалымдалды.

Маалыматка ылайык, турнир 7-9-ноябрь күндөрү Бишкек шаарында өтөт.

Дүйнө чемпиондугунун алкагында эркектер жана аялдар спорттук жана күжүрмөн самбо боюнча күч сынашат. Ошондой эле көрүүсү начар эркектер арасында спорттук самбо боюнча мелдеш өтөт.

Бишкек буга чейин 2022-жылы дүйнө чемпионатын өткөрүп, ага 55 өлкөдөн 500дөн ашык спортчу катышкан.

Турнирдин жүрүшүндө Кыргызстанда самбонун 60 жылдыгына арналган майрамдык иш-чаралар өткөрүлөт. Самбо боюнча Кыргызстандын биринчи чемпионаты 1965-жылы өткөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18