USD87.45EUR96.10RUB1.06
24.kg

Жалал-Абад облусунда 64 жаштагы аялды издөө иштери уланууда

14:05, 27 мая 2025, Бишкек - 24.kg

Аксы районунун Кара-Камыш айыл аймагына караштуу Чат айылынын тургунун издөө иштери жүрүп жатат. Бул тууралуу Өзгөчө кырдаалдар министрлиги билдирди.

Маалыматка ылайык, аялдын кийими А.Б. Кара-Суу дарыясынын жээгинен табылып, ал жок болгондугуна байланыштуу дарыянын жээгинде издөө иштери 26-майда башталган.

Окуя болгон жерде издөө иштерин капитан Нурболот Калганбек уулунун жетекчилиги астында Аксы райондук өзгөчө кырдаалдар бөлүмүнүн өздүк курамы жүргүзгөн.

Бүгүн издөө иштери саат 6:00дө улантылды. Иш-чарага райондук өзгөчө кырдаалдар бөлүмүнөн, райондук ички иштер бөлүмүнөн жана жергиликтүү тургундардан 60 адам тартылган. Издөө иштери дрондун жардамы менен жүргүзүлүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18