USD87.45EUR96.10RUB1.06
24.kg

Укук коргоочу Турсунбек Акун Бишкектеги мейманканалардын биринде жаракат алды

14:03, 26 мая 2025, Бишкек - 24.kg

Укук коргоочу Турсунбек Акун борбор калаадагы мейманканалардын биринде Кыргызстан демократиялык кыймылынын 35 жылдыгына арналган иш-чарада жаракат алды. Бул тууралуу жабырлануучунун социалдык тармактагы баракчасында жазылган.

Уюштуруучулардын айтымында, мейманкана кызматкерлери иш-чараны үзгүлтүккө учуратууга аракет кылып, жарыкты атайылап өчүрүшкөн.

«Мекеменин кызматкерлери эшикти силкип, натыйжада айнеги сынып, Турсунбек Акун колунан жана башынан жаракат алган. Биз бул жерге майрамдык маанайда тамак-аш тартуулап, көңүл ачалы деп келгенбиз. Зал алдын ала иретке келтирилип, тиешелүү төлөм төлөнүп, кофе-брейк менен расмий жолугушуу өткөрмөк болчубуз», — деп белгилешти алар.

Окуя болгон жерде милиция кызматкерлери иштеп жатканын 24.kg агенттигине Октябрь РИИБинин басма сөз кызматы билдирди. Окуянын чоо-жайы такталууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18