USD87.45EUR96.10RUB1.06
24.kg

Бишкекте дүйнө элдеринин эпосторунун VIII эл аралык фестивалы өтөт

11:28, 22 мая 2025, Бишкек - 24.kg

28-29-30-майда Бишкекте президенттин колдоосу менен улуу манасчы Саякбай Каралаевдин 130 жылдыгына карата дүйнө элдеринин эпосторунун VIII эл аралык фестивалы өтөт. Бул тууралуу Маданият министрлигинин басма сөз кызматы билдирди.

Маалыматка ылайык, фестивалдын алкагында бир нече мамлекеттерден келген эпостук мурасты изилдеген эпос таануучулар жана окумуштуулар үчүн эл аралык илимий практикалык симпозиум, тармактык маселелерди талкуулаган тегерек стол, жыйындар жана көчмөн элдердин турмуш философиясын кеңири чагылдырууга багытталган “Мыкты кыргыз боз үйү”, “Улуу мурас” каада-салттар, “Саркеч көчмөн” жана алгачкы жолу Сейтек айтуучулар арасында “Сейтекчи” сынактары өтөт.

Белгилей кетсек, аталган фестиваль 2006-жылдан бери уюштурулуп келет. Маданият, маалымат жана жаштар саясаты министрлиги, “Манас” улуттук академиясы, Кыргыз улуттук “Манас” театры, “Арт-араба” коомдук фонду тарабынан уюштурулууда.

Сынактар боюнча сурап билүү телефону:

+996 709 210 733

+996 773 601 464

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18