USD87.45EUR96.10RUB1.06
24.kg

Камчыбек Ташиев Дүйшөмбү шаарында КМШнын коопсуздук боюнча жыйынга катышты

14:25, 16 мая 2025, Бишкек - 24.kg

Кыргыз Республикасынын Улуттук коопсуздук мамлекеттик комитетинин башчысы Камчыбек Ташиев 16-майда Тажикстандын борбору Дүйшөмбү шаарында өткөн КМШга мүчө-мамлекеттердин коопсуздук органдарынын жана атайын кызматтарынын жетекчилеринин кеңешинин 56-жыйынына катышты. Бул тууралуу КР УКМКнын басма сөз кызматы билдирди.

Камчыбек Ташиев Дүйшөмбү шаарында КМШнын атайын кызматтар кеңешинин жыйынына катышты
Жолугушуунун жүрүшүндө катышуучулар бир катар маселелерди талкуулашты:

Аймактык коопсуздукту камсыз кылуу,

Эл аралык терроризмге жана экстремизмге каршы күрөш,

Трансулуттук уюшкан кылмыштуулук менен күрөшүү,

КМШ өлкөлөрүнүн чалгындоо кызматтарынын кызматташтыгын чыңдоо.

Өзгөчө көңүл бир катар аймактардагы туруксуз кырдаалдын шартында террористтик жана экстремисттик уюмдардан келип чыгуучу коркунучтарга каршы биргелешкен чараларды көрүүгө бурулду.

Камчыбек Ташиев оперативдүү кызматташтыкты бекемдөө жана чалгындоо маалыматтарын алмашуу боюнча демилгелерди колдоорун айтып, коопсуздуктун салттуу да, жаңы да чакырыктарына каршы туруу үчүн жамааттык аракеттердин маанилүүлүгүн белгиледи.

Жолугушуунун жыйынтыгында биргелешкен иш-чаралардын планы бекитилип, КМШ өлкөлөрүнүн атайын кызматтарынын ортосундагы кызматташтыкты тереңдетүү боюнча чаралар макулдашылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18