USD87.45EUR96.10RUB1.06
24.kg

Чүй облусунда чегирткелерди жок кылуу боюнча иш-чаралар уланууда

15:28, 15 мая 2025, Бишкек - 24.kg

Чүй облусунда Ысык-Ата, Жайыл жана Панфилов райондорунда чегирткелердин очокторун аныктоо жана жок кылуу боюнча активдүү иш-чаралар улантылууда. Бул тууралуу Айыл чарба министрлигинин басма сөз кызматы билдирди.

Маалыматка ылайык, Узун-Кыр айыл өкмөтүнүн тургундарынын чегирткелердин көбөйүшү тууралуу билдирүүсү боюнча жалпы 1820 гектар аянтта изилдөө жүргүзүлдү. Анын ичинен 1 236 гектарда чегирткелердин очогу аныкталып, 480 гектар жерге химиялык иштетүү жүргүзүлдү.

Бүгүнкү күнгө карата Жайыл районунда 2 трактор жана Панфилов районунда 3 трактор жана атайын техникалар ыкчам тартипте химиялык иштетүүлөрдү жүргүзүүдө.

Ошондой эле Чүй облусунун башка райондорунда да мониторинг иштери улантылып, айыл чарба жерлеринде зыянкечтердин очогун аныктоо боюнча изилдөөлөр жүргүзүлүүдө.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18