USD87.45EUR96.10RUB1.06
24.kg

Пиарсыз иштейт. ЖК депутаты Башкы прокурор Максат Асаналиевди мактады

13:19, 16 апреля 2025, Бишкек - 24.kg

Жогорку Кеңештин жыйынында депутат Ырысбек Атажанов Башкы прокурор Максат Асаналиевди мактап, кесиптештеринен анын 2024-жылга карата отчетун колдоону суранды.

Эл өкүлү көзөмөл органынын жетекчиси бир күн мурун парламенттин эки комитетинин биргелешкен жыйынында сөз сүйлөп, шайланган өкүлдөрдүн суроолоруна жооп бергенин белгиледи.

«Башкы прокурор кызматка келгенден бери жакшы иш алып барып, саясатка аралашпай, пиар менен алектенбей, өз милдеттерин так аткарып жатканын баарыбыз билебиз», — дейт Ырысбек Атажанов.

Ал арада депутат Дастан Бекешев Максат Асаналиев буга чейин кылмыш же административдик жоопкерчиликке тартылганбы деген суроону койду.

«Ал кылмыш жоопкерчилигине тартылган эмес.Мен жаш кезимде айдоочулук күбөлүгүм жок айдап, айып төлөгөм», — деп жооп берди Башкы прокурор.

Жыйында парламентарийлер Башкы прокурордун 2024-жылдагы Кыргыз Республикасындагы мыйзамдуулуктун абалы жана аны чыңдоо боюнча прокуратура органдары тарабынан аткарылган иштер тууралуу маалыматын угушту.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18