USD87.45EUR96.10RUB1.06
24.kg

Алайда мыйзамсыз менчиктештирилген дарыкананын имараты мамлекетке кайтарылды

13:22, 19 марта 2025, Бишкек - 24.kg

Ошто мамлекеттик дарыкананын 455 чарчы метр имараты жана 0,15 сотых жер тилкеси мамлекеттин балансына кайтарылды. Бул тууралуу Улуттук коопсуздук мамлекеттик комитетинен билдиришти.

УКМК шаарлардын жана райондук борборлордун мурда мыйзамсыз түрдө жеке менчикке чыгарылган инфраструктуралык объекттерин мамлекеттик менчикке кайтаруу боюнча иш-чаралардын алкагында Алай районунун Гүлчө айылынын аймагында жайгашкан Саламаттык сактоо министрлигине таандык болгон, 455 чарчы метр аянты, 0,15 сотых жер тилкеси менен мамлекеттик дарыкананын имараты убагында КР мыйзамдарын бузуу менен менчиктештирилип кеткени аныкталды.

Бул факт боюнча сотко чейинки өндүрүштүн алкагында тиешелүү иш-чаралар жүргүзүлүп, натыйжада жогоруда аталган имарат жер тилкеси менен мамлекеттин балансына ыктыярдуу тартипте кайтарылды.

Мыйзамсыз менчиктештирилген объекттерди аныктоо жана мамлекеттин менчигине кайтаруу боюнча иш-чаралар улантылууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18