USD87.45EUR96.10RUB1.06
24.kg

Улуттук банк эскертет: Шылуундар Улуттук банк төрагасынын атын жамынып жатышат

13:31, 06 марта 2025, Бишкек - 24.kg

Өзүн Улуттук банктын төрагасы катары тааныштырган белгисиз адамдар мессенджер аркылуу коммерциялык банктардын мурдагы жана азыркы төрагаларына билдирүүлөрдү жөнөтүп, мыйзам менен көйгөйлөр жаралгандыгын кабарлашууда.

Адамды ынандырыш үчүн шылуундар Улуттук банктын төрагасынын, төраганын орун басарларынын жана башка кызматкерлердин чыныгы сүрөтүн көрсөтүшүүдө. Андан кийин өзүн укук коргоо органдарынын кызматкери деп тааныштырган адам байланышка чыгып, тезинен акча которууну суранат.

Буга байланыштуу Улуттук банк алар шылуундар экендигин эскертет!

«Эч убакта мындай өндүү билдирүүлөргө ишенбеңиз, шектүү маалыматтарды расмий булактардан текшериңиз, эч кандай учурда бейтааныш адамдарга акча которбоңуз.

Эсиңизде болсун, Улуттук банк эч качан телефон аркылуу жарандардан жеке маалыматтарын сурабайт, ошондой эле «коопсуз» эсеп деген шылотоо менен эч убакта акча которууну сунуштабайт.

Улуттук банк жарандарга эсеп ачыпайт, физикалык тараптарга тейлөө жүргүзбөйт жана калк менен акчалай эсептешүүлөрдү жүргүзбөйт.

Этият болуңуз! Өзүңүздү алдаганга жол бербеңиз!

Коомдук кабылдаманын номери (312) 61-04-86», — деп айтылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18