USD87.45EUR96.10RUB1.06
24.kg

Депутат Кыргызстандын түштүгүндө паспорт чыгаруу үчүн басмакана ачууну сунуштады

14:05, 26 февраля 2025, Бишкек - 24.kg

Жогорку Кеңештин жыйынында депутат Бекмурза Эргешов жарандык паспортторду өлкөнүн түштүгүндө да берүүнү суранды.

Анын айтымында, Бишкекте шашылыш паспортту үч саатта алууга мүмкүн болсо, Баткен, Жалал-Абад жана Ош облустарында эки күндөн кем эмес, алыскы райондордо сегиз күндөн кем эмес убакыт талап кылынат.

Депутат 2024-жылы бул үч облустан паспорт алуу үчүн 240 миңден ашык арыз түшкөнүн, бул республика боюнча жалпы кайрылуулардын 40 пайыздан ашыгын түзөрүн айтты. Депутат белгилегендей, бул сандар түштүктө басмакана ачуу зарылдыгын көрсөтүп турат.

«Бул эл аралык практикада бар. Паспортту ар бир облуста берсе болот. Бланкаларды «Учкун» ишканасы да чыгарууну сунуштайм, Ошто фото, фамилия жана башка маалыматтарды басып чыгарган басмакана болушу керек», — деди Эргешов.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18