USD87.45EUR96.10RUB1.06
24.kg

Суу сактагычтын жанында киши өлтүрүүгө шектелип алты адам кармалды

14:53, 25 февраля 2025, Бишкек - 24.kg

Милиция кызматкерлери адам өлтүрүүгө шектелген алты кишини кармашкан. Бул тууралуу 24.kg басылмасына Бишкек шаардык ички иштер башкы башкармалыгынын басма сөз кызматы билдирди.

20-февралда милицияга Лесное айылынын капталынан Ала-Арча суу сактагычынын жанынан адамдын жансыз денеси табылганы тууралуу маалымат түшкөн. Окуя болгон жерге дароо ыкчам-тергөө тобу барышып, маркумдун өздүгүн такташкан. Анда мурда бир нече жолу соттолгон 44 жаштагы А.А болуп чыккан.

Аталган факты боюнча КРнын Кылмыш-жаза кодексинин «Адам өлтүрүү» беренеси боюнча иш козголду. Биринчи Май РИИБдин ыкчам кызматкерлери тарабынан кылмышка шектүүлөрдүн өздүгү такталып, кармалган. Бишкек шаардык ички иштер башкы башкармалыгынын убактылуу кармоочу жайына алты адам киргизилди. Бардык керектүү экспертизалар дайындалды. Тергөө иштери уланууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18