USD87.45EUR96.10RUB1.06
24.kg

Кыргызстан менен Казакстан 2025-2027-жылдарга кызматташуу планына кол коюшат

09:06, 25 февраля 2025, Бишкек - 24.kg

Кыргызстандын министрлер кабинетинин төрагасы Адылбек Касымалиев Казакстандын Астана шаарына болгон расмий сапарынын алкагында Казакстандын премьер-министри Олжас Бектенов менен тар курамдагы жолугушуусу болду.

Сүйлөшүүнүн жүрүшүндө тараптар эки мамлекеттин президенттери буга чейин аныктаган кыргыз-казак кызматташтыгынын бардык артыкчылыктуу багыттары боюнча жетишилген байланыштарды, макулдашууларды максималдуу алдыга жылдырууга өзгөчө көңүл бурушту.

Мындан тышкары Жогорку мамлекеттер аралык кеңештин 7-отурумун жана Аймактар аралык форумдун 2-отурумун өткөрүү, ошондой эле Кыргызстан менен Казакстандын ортосундагы 2025-2027-жылдарга карата кызматташуунун комплекстүү планына кол коюу сыяктуу жана башка актуалдуу кыргыз-казак кызматташтыгынын учурдагы абалы жана келечеги талкууланды.

Ал эми кеңейтилген курамдагы минкаб төрагасы Адылбек Касымалиев менен Казакстандын премьер-министри Олжас Бектеновдун жолугушуусунда соода-экономикалык, маданий-гуманитардык тармактарында кызматташуу маселелери кенен сүйлөшүлөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18