USD87.45EUR96.10RUB1.06
24.kg

Кара-Сууда 9-класстын окуучусу сабалып каза болду. Шектүү кармалды

10:20, 13 февраля 2025, Бишкек - 24.kg

Ош облусунун Кара-Суу районунда 9-класстын окуучусу сабалып каза болду. Шектүү кармалганын облустук милициянын басма сөз кызматы билдирди.

Маалыматка ылайык, 12-февралда Каратай айылындагы No39 мектептин жанынан окуучу кулап каза болгондугу тууралуу маалымат түшкөн. Аталган факты катталып, соттук-медициналык экспертиза дайындалды.

Күбөлөрдүн айтымында, окуучулардын ортосунда уруш чыккан. Натыйжада 9-класстын окуучусу сабалып, эс-учун жоготкон.

Аталган факты боюнча КРнын Кылмыш-жаза кодексинин 130-беренеси "Ден соолукка оор залал келтирүү" боюнча кылмыш иши козголду.

Алдын ала тергөө маалыматтары боюнча, маркумду ошол эле мектептин окуучусу 2007-жылы туулган Р.Н. кармалып, убактылуу кармоочу жайга камалды.

Тергөө иштери уланууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18