USD87.45EUR96.10RUB1.06
24.kg

Депутат президенттен Чоң-Кемин алтын кенине уруксатты жокко чыгарууну суранды

15:36, 10 февраля 2025, Бишкек - 24.kg

Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитетинин жыйынында депутат Балбак Түлөбаев Чүй облусунун Кемин районундагы Далпран алтын кенин казууга берилген уруксатты жокко чыгаруу өтүнүчү менен президент Садыр Жапаровго кайрылуу жасады.

Президенттин облустагы ыйгарым укуктуу өкүлүнүн биринчи орун басары Самат Исманов белгилегендей, кенди иштетүүгө кытайлык компания 2019-жылы эле уруксат алган.

«Ооба, уруксат мурунку өкмөттүн тушунда алынган. Мамлекет башчысы элди ойлойт. Райондун тургундары бул кенди иштетүүгө каршы. Ал жерде бир тонна гана алтын бар. Менимче, президент бир тонна алтындын айынан аймактын талкаланышына жол бербейт. Андан көрө Ак-Түздү иштетели, жергиликтүү тургундар каршы эмес», — деди Балбак Түлөбаев.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18