USD87.45EUR96.10RUB1.06
24.kg

ЖК депутаттары кыргыз тилдүү мектептерде билим деңгээлин көтөрүүнү талап кылышты

17:07, 06 февраля 2025, Бишкек - 24.kg

Бүгүн, 6-февралда Жогорку Кеңештин жыйынында депутаттар Билим берүү министрлигинин башчысы Догдуркүл Кендирбаевадан кыргыз тилинде окуткан мектептерде билим берүүнүн деңгээлин көтөрүүнү талап кылышты.

Депутат Эльдар Абакиров аймактарда жалпы билим берүү мекемелеринин бүтүрүүчүлөрүнүн ЖРТнын орточо баллы 110-120 балл болуп жатканын белгиледи.

«Мисалы, өткөн жолу парламентке министр келди. Ал күчтүү IT адис, бирок орус тилдүү мектепти аяктаган. Тилекке каршы, кыргыз мектептеринде алтын сертификат алгандар дээрлик жок. Мен бир жылдан бери сизге бул маселе боюнча кат жазып келем, бирок сиз буга көңүл бурбайсыз. Кыргыз тилдүү мектептерге өзүнчө алтын сертификаттарды берүүнү суранам. Алардын билим деңгээлин жогорулатуу боюнча программаны кабыл алуу керек», — деди ал.

Аны кесиптеши Камила Талиева дагы бул маселени колдоп, орус мектептер айылдан алыс жайгашканына карабай аймактардагы ата-энелер балдарын орус класска берип жатканын белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18