USD87.45EUR96.10RUB1.06
24.kg

ЖОЖду артыкчылык диплому менен бүтүргөндөр кадрдык резервге конкурссуз киришет

13:06, 06 февраля 2025, Бишкек - 24.kg

Бүгүн, 6-февралда Жогорку Кеңештин жыйынында депутат Эмил Токтошев жогорку окуу жайлардын артыкчылык диплому менен бүтүрүүчүлөрүн мамлекеттик жарандык жана муниципалдык кызматкерлердин резервине сынаксыз алууну сунуштады.

Анын айтымында, «Акылман» президенттик лицейинин бүтүрүүчүлөрүнө жана «Эл үмүтү» стипендианттарына гана жеңилдиктер берилсе, мамлекеттик кызматтагы кадр маселеси чечилбейт.

КР Юстиция министринин биринчи орун басары Зарема Аскарова мыйзам долбоорунун экинчи окуусунда буга чейин ЖОЖдорду артыкчылык диплому менен аяктаган өзгөчө статусу бар бүтүрүүчүлөр кадрдык резервге сынаксыз кирүү укугуна ээ деген жобо киргизилгендигине жооп берди.

Догдуркүл Кендирбаеванын айтымында, өлкөдө 11 жогорку окуу жайдын өзгөчө статусу бар.

Эл өкүлдөрү президент тарабынан демилгеленген мыйзам долбоорун экинчи окууда талкуулап жатышат. Садыр Жапаров «Акылман» президенттик лицейинин бүтүрүүчүлөрүн жана Кыргыз Республикасынын Президентинин «Эл үмүтү» эл аралык стипендиясы боюнча билим алган чет өлкөлүк жогорку окуу жайлардын бүтүрүүчүлөрүн мамлекеттик жарандык жана муниципалдык кызматтын кадрдык резервине конкурстан тышкаркы негизде кабыл алууну сунуштаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18