USD87.45EUR96.10RUB1.06
24.kg

Жеңиш күнү: Жаш кыргызстандыктар дил баян сынагына катышууга чакырылды

08:00, 06 февраля 2025, Бишкек - 24.kg

Улуу Ата Мекендик согуштун Жеңишинин 80 жылдыгына арналган «Менин үй-бүлөм тарыхта» II Эл аралык илимий эссе сынагына катышууга арыздарды кабыл алуу башталды. Сынак 2025-жылдын 28-январынан 30-майына чейин өтөт.

Бишкектеги Орус үйү билдиргендей, сынактын жыйынтыгында ар кайсы өлкөлөрдөн 15 жеңүүчү Москвага «Салам, Россия!» программасынын алкагында тарыхчылар жана архивчилер мектебине катышуу үчүн барышат.

Бишкектеги Орус үйү билдиргендей, сынактын жыйынтыгында жайкысын ар кайсы өлкөлөрдөн 15 жеңүүчү Москвага «Салам, Россия!» программасынын алкагында тарыхчылар жана архивчилер мектебине катышуу үчүн барышат.

Сынакка төмөндөгүлөр катыша алат:

16 жаштан 19 жашка чейинки кыргызстандыктар;

тарыхка кызыккан жана өз кесибин тарыхый же архивдик изилдөөлөр менен байланыштырууну пландаган мектеп окуучулары;

«Тарых илимдери» адистиги боюнча жана башка гуманитардык тармактарда билим алып жаткан университеттин студенттери.

Сунушталган темалардын бири боюнча орус тилинде эссе жазып, аны 9-апрелден кечиктирбестен kirgizia_bishkek@rs.gov.ru электрондук дарегине жөнөтүшүңүз керек .

Арыз берүү мөөнөтү аяктагандан кийин калыстар тобу сынактын катышуучуларынын иштерин баалап, үстүбүздөгү жылдын 16-майынан 4-июнуна чейин сынактын экинчи этабына катышуу үчүн эң көп упай топтогон катышуучуларды аныктайт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18