USD87.45EUR96.10RUB1.06
24.kg

Депутат Маданият министрлигинен цирктеги кырдаал боюнча комиссия түзүүнү суранды

12:21, 05 февраля 2025, Бишкек - 24.kg

Жогорку Кеңештин жыйынында депутат Шарапаткан Мажитова цирктин кызматкерлери жаңы директор Светлана (Асланайым) Ашированын үстүнөн арыз менен кайрылганын билдирди.

«Аширова интригаларды токуп жатат деп нааразы болушууда. «Өз оюн айткандарды программадан чыгарат экен», — деди депутат.

Ал парламенттин төрагасы Нурланбек Тургунбек уулунан Маданият министрлигине цирктеги кырдаалды иликтөө үчүн атайын комиссия түзүү боюнча протоколдук тапшырма берүүнү өтүндү. Ал эми цирктин директорунун иши тергөө учурунда токтотулушу керектигин белгиледи.

Эске сала кетсек, Светлана Аширова цирктин директору болуп 2024-жылдын октябрынын аягында дайындалып, 2025-жылдын 23-январында сынак мөөнөтү аяктагандан кийин ал ээлеген кызматынан бошотулганын Маданият министрлигинин басма сөз кызматы билдирген. Редакцияга кайрылган артисттер Светлана Аширова Маданият министрлигинин билдирүүсүнө карабай кабинетинен чыкпай жатканын ишендиришти.

Светлана Аширова 28-январда цирктин жетекчиси кызматына кайра орношуп, бир жылга эмгек келишими түзүлгөнүн ишендирүүдө. Артисттердин арыз-даттануулары жана чарбалык эсепке өтүү мүмкүндүгү боюнча ал Маданият министрлиги баарын карап жатканын айтты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18