USD87.45EUR96.10RUB1.06
24.kg

Кыргызстанда Жазаларды аткаруу мамлекеттик кызматы түзүлдү

08:00, 05 февраля 2025, Бишкек - 24.kg

Президент Садыр Жапаров «КР жаза аткаруу системасынын кээ бир маселелери жөнүндө» жарлыкка кол койду. Документке ылайык, Кыргыз Республикасынын жаза аткаруу системасынын ишинин натыйжалуулугун өркүндөтүү жана жогорулатуу максатында, КР Конституциясынын 66, 71-беренелерине ылайык токтом кылынат:

1. Юстиция министрлигине караштуу Жазаларды аткаруу кызматынын базасында министрлер кабинетине караштуу Жазаларды аткаруу мамлекеттик кызматы түзүлсүн.

2. Юстиция министрлигине караштуу Кайтаруу жана конвой менен коштоп жүрүү кызматы министрлер кабинетине караштуу Жазаларды аткаруу мамлекеттик кызматынын Кайтаруу жана конвой департаменти деп кайра аталсын.

3. Министрлер кабинети белгиленген тартипте:

— министрлер кабинетине караштуу Жазаларды аткаруу мамлекеттик кызматы жөнүндө жобону иштеп чыксын жана бекитсин;

— бул жарлыктан келип чыгуучу тийиштүү ченемдик укуктук актылардын долбоорлорун бир айлык мөөнөттө киргизсин;

— бул жарлыктан келип чыгуучу уюштуруучу, финансылык жана башка зарыл чараларды көрсүн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18