USD87.45EUR96.10RUB1.06
24.kg

Кыргызстанда малды экспорттоого убактылуу тыюу салынды

08:30, 03 февраля 2025, Бишкек - 24.kg

31-январдан тарта Суу чарба, айыл чарба жана кайра иштетүү министрлигине караштуу Ветеринария кызматы мал-жандыкты, анын ичинде бодо малды, майда мүйүздүү малды жана жылкыны экспорттоого уруксат берүүнү убактылуу токтотту. Бул тууралуу ведомствонун басма сөз кызматы билдирди.

Айыл чарба министрлигинин «Айыл чарба товарларынын тизмесин бекитүү жөнүндө» № 04-13/4 буйругунун негизинде 31-январдан тартып Ветеринардык кызмат тарабынан мал жандыктарды үчүнчү өлкөлөргө, анын ичинен ири мүйүздүү малдарды, майда мүйүздүү малдарды жана жылкыларды экспорттоого уруксат берүүнү токтоткон.

2025-жылдын 31-январына чейин берилген уруксаттар бардык текшерүүлөр аяктаганга жана ченемдик базага өзгөртүүлөр киргизилгенге чейин убактылуу токтотулуп, уруксат берүү процесси жандангандыгы тууралуу кийинчерээк кошумча маалымат берилет.

Уруксаттарды токтото туруу жана мал жандыктарды экспорттоого байланыштуу маселелер боюнча кошумча маалымат жана кеңеш алуу үчүн төмөнкү телефон аркылуу кайрылсаңыздар болот: +312 66 04 06.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18