USD87.45EUR96.10RUB1.06
24.kg

Кыргызстан менен Иран экономикалык кызматташтыкты кеңейтүү маселесин талкуулашты

13:56, 31 января 2025, Бишкек - 24.kg

Министрлер кабинетинин төрагасы Адылбек Касымалиев Казакстанга болгон жумушчу сапарынын жүрүшүндө Ирандын биринчи вице-президенти Мохаммад Реза Ареф менен жолугушту. Бул тууралуу министрлер кабинетинин басма сөз кызматы билдирди.

Министрлер кабинетинин башчысы Кыргызстан Иран менен достук мамилелерди чыңдоого өзгөчө маани берээрин жана Иран тарап менен бардык деңгээлдеги саясий диалогду жана өз ара аракеттенүүнү улантууга даяр экенин белгиледи.

«Биздин өлкөлөр ортосунда соода-экономикалык кызматташтыкты өнүктүрүү үчүн чоң потенциал бар. Иран менен инвестициялык кызматташтык биздин өкмөттүн экономикалык дипломатиясынын артыкчылыктуу багыттарынын бири болуп саналат. Буга байланыштуу сооданын көлөмүн көбөйтүү жана Кыргызстандын экономикасына Иран инвестицияларын тартуу үчүн биргелешкен аракеттерге биздин кызыкдарлыгыбызды жана даяр экенибизди баса белгилегим келет», — деди Адылбек Касымалиев.

Өз кезегинде Ирандын биринчи вице-президенти Мохаммад Реза Ареф МинКаб башчысы Адылбек Касымалиевди жооптуу кызматка дайындалышы менен куттуктады. Ал эки тараптуу кызматташтыкты кеңейтүүгө жана биргелешкен долбоорлорду натыйжалуу ишке ашырууга кызыкдар экендигин билдирди.

Жолугушуунун жүрүшүндө тараптар соода-экономикалык, инвестициялык жана транспорттук-логистикалык тармактардагы кыргыз-иран кызматташтыгынын келечегин, ошондой эле ЕАЭБ алкагындагы өз ара кызматташууну талкуулашты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18