USD87.45EUR96.10RUB1.06
24.kg

Дональд Трамп: «Вашингтондогу учак кырсыгынан аман калгандар жок»

08:00, 31 января 2025, Бишкек - 24.kg

АКШнын президенти Дональд Трамп Вашингтондун үстүндө кыйраган учакта каза болгондордун жакындарына көңүл айтты. Бул тууралуу чет элдик ЖМКтары жазууда.

Маалыматтарга ылайык, Дональд Трамп кырдаалга көз салып жатканын жана окуянын чоо-жайы тууралуу кийинчерээк маалымат берерин белгиледи. Анткени учурда кырсыктын себеби белгисиз бойдон калууда.

«Мен кырдаалга көз салып жатам жана алар жеткиликтүү болгондон кийин кененирээк маалымат берем» деди Дональд Трамп.

«Тилекке каршы, аман калгандар жок», — деди президент Ак үйдө.

Учак дарыяга кулап түшкөн.

Белгилей кетсек, буга чейин Вашингтондогу аэропортко жакын жерде жүргүнчү ташыган учак менен аскердик тик учак кагылышып кеткени кабарланган. Катуу соккудан улам учак Потомак дарыясына кулап түшкөн. Учакта 60 жүргүнчү жана төрт экипаж мүчөсү болгон.

Алдын ала маалыматтарга караганда учакта муз үстүндө көркөм бий боюнча дүйнө чемпиондору, орусиялык спортчулар Вадим Наумов менен жубайы Евгения Шишкова да болгону айтылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18