USD87.45EUR96.10RUB1.06
24.kg

Туристтерди «Ала-Арча» сейил багында электромобилдер менен бекер ташышат

09:51, 28 января 2025, Бишкек - 24.kg

«Ала-Арча» жаратылыш паркында туристтерди электромобилдер бекер ташыйт. Бул тууралуу анын директору Талантбек Жекшенов журналисттерге билдирди.

"Ала-Арча" жаратылыш паркынын директору Талантбек Жекшенов

Анын айтымында, жыл сайын аймакка 100 миңден ашык унаа кирет. Кирүү чектелүү болот. Эс алуучуларды 50 электр унаасы ташыйт, алар үчүн атайын аялдамалар курулат: Ак-Бата, Саз, Карагай-Булак, Чер-Жаз, Ак-Сай.

Талантбек Жекшенов ошондой эле асма жолдун курулушунун экинчи этабында анын узундугу 13 чакырымды түзөрүн билдирди. Ал кошумчалагандай, биринчи этабын күз айларында бүткөрүү пландалып, асма жолдун бир чакырымы ишке берилген.

2024-жылы «Ала-Арча» жаратылыш паркынын жылдык кирешеси 232 миллион сомду түздү. Салыштыруу үчүн эки жыл мурун 51 миллион сом болчу.

Эске салсак, 25-январда Ала-Арча жаратылыш паркында асма жолдун курулушу башталган. Долбоорду Президенттин мүлктү башкаруу боюнча башкармалыгынын башчысы Каныбек Туманбаев баштап, анын экотуризмди өнүктүрүү жана өлкөнүн инфраструктурасын жакшыртуу үчүн маанисин белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18