USD87.45EUR96.10RUB1.06
24.kg

АӨБ Барскоон-Каракол жолун реконструкциялоого 109,5 миллион доллар бөлөт

17:19, 27 января 2025, Бишкек - 24.kg

Азия өнүктүрүү банкы Ысык-Көл айланма жолунун Барскоондон Караколго чейинки бөлүгүн реконструкциялоого 109,5 миллион доллар бөлөт. Мыйзам долбоорун Жогорку Кеңештин Бюджет, экономикалык жана фискалдык саясат боюнча комитети биринчи окууда жактырды.

Мыйзам долбоорунун негизги документинде бул каражаттын 87 миллион доллары Кыргызстанга 8 жылдык жеңилдетилген мөөнөт менен 32 жылдык насыя катары берилери айтылган. Жеңилдетилген мезгилде ченем 1 пайызды, сегиз жылдан кийин 1,5 пайызды түзөт.

АӨБ калган 22,5 миллион долларды грант катары берет.

Белгилей кетсек, Ысык-Көл айланма жолунун жалпы узундугу 440 чакырымды түзөт. Каржы министрлиги 365 чакырымды реконструкциялоого каражат тапты. Учурда 303-чакырымда иш жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18