USD87.45EUR96.10RUB1.06
24.kg

Эл аралык жүк ташуудан өлкө бюджетине дээрлик 399 миллион сом түштү

10:55, 22 января 2025, Бишкек - 24.kg

2024-жылы эл аралык автомобиль ташууларына 145 миңге жакын уруксат берилген. Бул тууралуу Транспорт жана коммуникациялар министрлиги билдирди.

Лицензияларды жана уруксаат кагаздарын берүүдөн, октун жүктөрүн таразалоодон жана габариттерди ченөөдөн, габариттүү эмес жүктөрдү ташууга атайын уруксат алуудан жана келтирилген зыяндын ордун толтуруудан, ошондой эле административдик айып салуудан өлкө бюджетине 399 миллион сомго жакын киреше түшкөн.

Министрлик белгилегендей, Кытай-Кыргызстан-Өзбекстан темир жолун куруу долбоорун ишке ашыруу боюнча чечкиндүү кадамдар жасалды. Өткөн жылдын июнь айында Бээжинде үч тараптуу келишимге кол коюлгандан кийин Бишкекте биргелешкен ишкана ачылып, 27-декабрда курулуш иштери башталган.

Кошумчалай кетсек, «НК Кыргызтемиржолу» мамлекеттик ишканасы тарабынан курулуп жаткан Балыкчы-Кочкор-Кара-Кече темир жол долбоорун ишке ашыруу улантылууда. Жалпы узундугу 63,5 чакырымды түзгөн бул жолдун 35 чакырымы 2022-2024-жылдары бүткөрүлгөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18