USD87.45EUR96.10RUB1.06
24.kg

Сосновка постунда оор жүк ташуучу унааларга чектөө киргизилди

10:25, 22 января 2025, Бишкек - 24.kg

Бишкек — Ош унаа жолундагы Сосновка постунда саат 06:20дан тарта оор жүк ташуучу унааларга убактылуу чектөө киргизилди. Бул тууралуу Транспорт жана коммуникациялар министрлигинен билдиришти.

Маалыматка ылайык, азыркы тапта Төө-Ашууда кар жаап, бороон болууда. Аймакты караган № 9 Жол тейлөө ишканасы тарабынан тазалоо иштери тынымсыз уланууда.

Өтмөк ашуусунда дагы ушундай эле кырдаал, анда жол № 36 ЖТИнин кызматкерлери тарабынан тазаланып жатат.

Белгилей кетсек, буга чейин Кыргызгидромет кызматы 22-23-январь күндөрү аба ырайы кескин өзгөрүп, көпчүлүк аймактарда мезгил-мезгили менен кар жаашы күтүлөрүн эскерткен.

Мындан улам Транспорт министрлиги жаралган бардык кырдаалга ыкчам аракет көрүү даярдыгында турганын белгилеп, кандай жагдай жаралбасын каршы тилкеге чыкпай, жол эрежесин так сактоо менен керектүү шаймандарды ала жүрүүгө чакырат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18